Тақыятас районында IT орайы ашылды!

Өзбекстан Республикасы Президенти Ш.М Мирзиёевтиӊ пуқаралар ҳәмде жаслардыӊ компьютер технологияларынан кеӊ ҳәм өнимли пайдаланыўы ушын қолайлы шараятлар жаратыў, жасларды информацион технологиялар тараўында исбилерменшиликке тартыўды нәзерде тутыўшы “Бес баслама”ныӊ үшиншисин әмелде көрсетиў мақсетинде, Өзбекстан Республикасы Информацион технологияларды ҳәмде коммуникацияларды раўажландырыў министирлиги тәрепинен пуқаралар ҳәмде жасларды компьютер технологияларынан кеӊ ҳәм пайдалы түрде қолланыўы ушын зәрүр шараятлар жаратылыўын мәлим етти.
Бул өз нәўбетинде, елимиздеги IT тараўыныӊ өсиўинде жақсы тәсир көрсетеди.
*

*

Соныӊ менен, 2020-жыл 18-декабрь күни Тақыятас районында заман талаплары тийкарында шөлкемлестирилген IT орайдыӊ ашылыўы мәрәсими болып өтти. Болып өткен мәресимди район ҳәкими И.Маткаримов, Информацион технологиялары ҳәмде коммуникацияларды раўажландырыў министирлиги Қарақалпақстан Республикасы аймақлық басқармасы баслығы Т.Баекеев, “Узтелеком” АЖ ҚР филиалы баслығы Қайрат Таженов ҳәмде орайдыӊ Қарақалпақстан Республикасы филиалы директоры Мадияр Елмуратовлар өзлериниӊ қўтлықлаў сөзлери менен ашып берди.
*

*

*

*

Соныӊ менен қатар, Тақыятас районындағы IT орайдыӊ ашылыў мәрәсиминде район ҳәкими орынбасарлары ҳәмде басқада мәкеме шөлкемлери қатнасты.
Басқа барлық IT орайларында болғанындай Тақыятас районы IT орайында да санлы технологиялары тәлимине тийисли билим бериледи, булардан:
— Компьютер саўатханлығы;
— Дәстүрлеў тиллери;
—Графика ҳәм дизайн;
— Arduino ҳәм LEGO Mindstorms тийкарында ислеўши мобиль роботлар;
— Кибер спорт: CS:GO, Dota2, FIFA20.
*

*

*


*
…………………………………………………………………………………………………..
Тақыятас районы ҳәкимлигиниӊ мәлимлеме хызмети.