Мүнәсибет

Интернет тармақларының YouTube каналында 2020-жылдың 9-сентябрь күни «Тахиатош парки эгаси ким?» темасында тарқалған видео ролик бойынша Тақыятас районы ҳәкимлиги үйрениў жумысларын алып барды. Алып барылған үйрениў жумыслары нәтижесинде төмендеги ҳалатлар анықланды: Видео роликте көрсетилген Тақыятас районындағы «Абат мәкән» МПЖ аймағындағы Мустақыллық көшесиниң бойында жайласқан «Скид» парки Тақыятас районы ҳәкиминиң 2019-жылы 26-март күнги 804-03-санлы «Жасыл хиябанларды шөлкемлестириў ушын жер майданын ажыратып бериў ҳаққында»ғы қарары тийкарында район Абаданластырыў басқармасына көгалландырыў ушын ажыратып берилген. Соның менен қатар видео роликте көрсетилген ҳиябан жериндеги егин майданлары ҳаққында район Абаданластырыў басқармасының берген мағлыўматы бойынша булл егинлер ҳеш кимниң жеке мәпи ушын егилип атырған жоқлығы мәлим етилди. Егилип жетистирилген егинлердиң бир бөлеги яғыний көк пияз, укроп, петрушка егинлери «Нураныйлар, урыс ҳәм мийинет ветеранлары» санаториясында емленип ҳәм дем алып атырғанлар ушын ҳәмде қалған бөлеги яғыный қаўын, қарбыз, қабақ ҳәм тағыда басқа егинлери Абаданластырыў басқармасының мүтәжлиги болған хызметкерлерине бийғарез түрде берилип атырғанлығын ал хиябан жериндеги терек нәллери ҳәм гүллер район көшелерине көширилип отырғызылыўы ушын егилгенлигин мәлип етти.

…………………………………………………………………………………………………..

Тақыятас районы ҳәкимлигиниң Мәлимлеме хызмети.