Мүнәсибет

Интернет тармақларының YouTube каналында 2020-жылдың
3-сентябрь сәнесинде ҚР. Тақыятас районы «Нурлы келешек» МПЖ пуқараларының мүрәжәәтлери бойынша тарқалған видео материал район ҳәкимлиги тәрепинен үйренилип шығылды.
Айтылған мәселелердиң шешими бойынша район ҳәкимлигинде алдыннан жумыс алып барылып атырған ҳәмде итибарда болған. «Нурлы келешек» МПЖ пуқаралары тәрепинен айтылған көше жоллары, ишимлик суў, электроэнергия ҳәм тәбий газ тартылыўы ҳаққындағы мүрәжәәтлери шешилиўи зәрүр болған машқалалар дизимине киритилге, деген менен бул машқалалардың шешилиўине ўақыт ҳәм қарежет талап етиледи. Мүрәжәәт еткен пуқаралар үйлери ҳәммеси тазадан салынған болып бул жер майданлары пуқараларға кем тәмийинленген дизимде турған, көп балалы шаңарақларға аукционсыз, бийпул түрде 2018-жылы жай салып алыўлары ушын берилген, сонлықтан таза салынған жайлардың инфраструктурасына (жол, суў, газ, электроэнергия) тартылыўының қаржыландырылыўы қыйын болмақта.
Қазирги күнде бул үйлерге тоқ тартылыўы жумыслары алып барылмақта ҳәмде тез күнлерде жол салыныўы режелестирилген. Соның менен қатар тәбий газ ҳәмде ишимлик суў таминатын жолға қою жумысларыда дәстүрге киритилип әмелге асырылыўы көзде тутылмақта.
Тақыятас районы ҳәкимлигиниң Мәлимлеме хызмети.